«Շատերին եմ այստեղ տեսնում և ուրախ եմ, որ մարդու համար մարդիկ այսքան անհանգստանում են»- ArmLur-ի հետ զրույցում ասել է Համազգային թատրոնի գեղարվեստական ղեկավար, ռեժիսոր և դերասանուհի Նարինե Գրիգորյանը, ով կառավարության մոտ մասնակցում էր ի պաշտպանություն Բաքվում պահվող գերիների կազմակերպված բողոքի ակցիային:
«Մեր հայրենակիցներն են այնտեղ, ու մենք չպետք է կարողանանք հանգիստ քնել, եթե իրենք այնտեղ են, որովհետև դա սարսափելի տեղ է:
Ուղղակի այստեղ եմ, որ հասկանամ այդ անօգուտ գրառումներից դուրս ինչ կարելի է անել, որ իսկապես օգնենք, ոչ թե ուղղակի խոսենք։
Հիմա փորձում ենք իրար հետ զրուցելով հասկանալ, թե իսկապես ինչ կարելի է անել, ոչ թե ուղղակի գրառումներ անել, ուղղակի հարցազրույցներ տալ:
Շատ են այն արվեստագետները, ովքեր ուզում են ինչ-որ բան արած լինեն:
Ռուբեն Վարդանյանը շատ բարձր մարդ է և իր համար շատերը պետք է հավաքվեն: Ինքը ևս հասկանում էր, ոչ ոչ միայն պետք է գրառում անելով Արցախի համար պայքարել, այլ ինքը գնաց ներկա լինելու, որ պայքարի: Ուզեց գործով պայքարել։ Մենք էլ պիտի գործուն մի բան անենք իրեն վերադարձնելու համար»,- ասաց դերասանուհին:
Մանրամասն՝ ArmLur-ի տեսանյությում։
