Գեղասահքի աշխարհի կրկնակի չեմպիոն, օլիմպիական կրկնակի արծաթե մեդալակիր Եվգենիա Մեդվեդեւան, հնարավոր է, սպորտային քաղաքացիությունը փոխի հայկականի։ "Весь спорт" գործակալության տեղեկացմամբ, ավելի վաղ հայտնի դարձավ, որ մարզուհին խզել է պայմանագիրը իր մարզիչ Էթերի Տուտբերիձեի հետ եւ շուտով կսկսի մարզումները կանադացի մարզիչ Բրայան Օրսերի հետ։
Գործակալության տեղեկացմամբ՝ Ռուսաստանի կանանց մենասահքի հավաքականում առկա բարձր մրցակցության պատճառով Մեդվեդեւան, ով հայկական արմատներ ունի՝ հայրը հայ է, կարող է սկսել հանդես գալ Հայաստանի դրոշի ներքո։
Մարզուհին, սակայն, այս լուրերը դեռ ոչ մի կերպ չի մեկնաբանել։
