«Մանչեսթեր Յունայթեդի» գլխավոր մարզիչ Ժոզե Մոուրինյուն հայտնել է, որ թիմի հայ կիսապաշտպան Հենրիխ Մխիթարյանը կարող է մասնակցել անգլիական լիգայի Գավաթի` «Բրիսթոլ Սիթիի» հետ խաղին:
«Կազմում փոփոխություններ կմտցնեմ, բայց մենք պետք է լրջորեն մոտենանք այս խաղին: Հնարավոր է` Մխիթարյանը մեկնարկային կազմում դաշտ դուրս գա: Դաշտում բոլորի համար տեղը չի բավականեցնի: Պահեստայինների նստարանին ևս պետք է հավասարակշռություն պահպանել»,- Մոուրինյուի խոսքերն է փոխանցում «ESPN»-ը:
«Բրիսթոլ Սիթի»-«Մանչեսթեր Յունայթեդ» հանդիպումը կկայանա վաղը` դեկտեմբերին 20-ին:
