«Հայաստանը ես եմ» նախաձեռնության ղեկավար Նաիրի Սարգսյանը ֆեյսբուքյան էջում շնորհավորական խոսք է հղել Կանանց միջազգային օրվա կապակցությամբ․
«Սիրելի կանայք, մայրեր, քույրեր, աղջիկներ, տատիկներ,
Շնորհավորում ենք ձեզ Մարտի 8-ի՝ Կանանց միջազգային օրվա կապակցությամբ։ Ցանկանում ենք, որ ձեր յուրաքանչյուր օրը լցված լինի սիրով, գնահատանքով ու երջանկությամբ։
Մաղթում ենք, որ ձեր կյանքում երբեք չպակասեն սերն ու խաղաղությունը, միշտ տիրի խինդն ու ծիծաղը, անսահման երջանկությունը և ամուր առողջությունը։ Թող յուրաքանչյուր օրը ձեզ բերի նոր հնարավորություններ՝ անձնական աճի, երազանքներն իրականացնելու և ձեր ընտանիքների բարօրության համար։
Հատկապես այսօր ցանկանում ենք առանձնահատուկ շեշտադրությամբ նշել, որ հայ կինն ամեն օր է արժանի գովասանքի՝ իր աննկուն համբերության, առաքինության, գեղեցկության, նվիրվածության, ընտանիքի և հայրենիքի հանդեպ անքակտելի սիրո, հայրենապահպանության գործում ունեցած մեծ դերի համար։
Սիրելի կանայք, ևս մեկ անգամ շնորհավորում ենք ձեզ և մաղթում, որ ձեր յուրաքանչյուր օրը լցվի սիրով, ժպիտներով ու անհոգությամբ»։
