Oragir.News-ը շարունակում է ուսումնասիրել և իր ընթերցողների դատին ներկայացնել Ազգային ժողովի «Քաղաքացիական պայմանագիր» խմբակցության պատգամավորների ունեցվածքի այն մասը, որը տեղ է գտել նրանց հայտարարագրերում։
Այսօր ուսումասիրել ենք ՔՊ-ական պատգամավոր Սոնա Ղազարյանի և նրա ամուսնու՝ Դավիթ Բանուչյանի հայտարարագրերը։
Հիշեցնենք, որ Սոնա Ղազարյանը պատգամավոր է դարձել 2018-ի իշխանափոխությունից հետո, իսկ 2021-ի արտահերթ խորհրդարանական ընտրություններում վերջինիս հաջողվել է պահպանել իր մանդատը։
Որպես անշարժ գույք՝ Սոնա Ղազարյանը հայտարարագրել է համատեղ սեփականությամբ 1 բնակարան՝ Կոտայքի մարզի Առինջ համայնքում, որը նա գնել է 2020 թվականի հուլիսի 24-ին։ Տարեվերջին այս բնակարանը պահպանվել է։
Շարժական գույք՝ ավտոմեքենա, Ղազարյանը չի հայտարարագրել։
Իշխանական պատգամավորի բանկային հաշիվներին տարեսկզբին եղել է 460․291,2 դրամ, տարեվերջին՝ 2 մլն 527․913 դրամ։ Կանխիկ միջոցներ նա չի ունեցել։
Սոնա Ղազարյանի տարեկան եկամուտները կազմել են 12 մլն 219․799 դրամ, որից 10 մլն 102․267 դրամը Ազգային ժողովից ստացած աշխատավարձն է, 2 մլն 117․532 դրամը՝ ՀՀ Ֆինանսների նախարարությունից ստացած այլ եկամուտը։
Ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 24 մլն 373․037,2 դրամ։
Ղազարյանի ամուսինը՝ Դավիթ Բանուչյանը, որպես անշարժ գույք՝ հայտարարագրել է իր կնոջ հայտարարագրած բնակարանը՝ Առինջում, որին տիրապետում է համատեղ սեփականությամբ։
Որպես շարժական գույք՝ նա հայտարարագրել է 2015 թվականի արտադրության MAZDA մակնիշի ավտոմեքենա, որը գնել է 2021 թվականի օգոստոսի 25-ին։
Վերջինիս բանկային հաշիվներին տարեսկզբին եղել է 2523,94 դրամ, տարեվերջին՝ 200․003 դրամ։ Բացի այդ, նա ունեցել է 8000 դրամ կանխիկ գումար, որը տարեվերջին շեշտակի աճել է՝ կազմելով 7 մլն 850 հազար դրամ։
Բանուչյանի տարեկան եկամուտները կազմել են 18 մլն 418․757 դրամ, որից 10 մլն 517․312 դրամը Հանրային հեռուստաընկերությունից, 2 մլն 973․300 և 2 մլն 750․675 դրամը Հայաստան համահայկական հիմնադրամից, 1 մլն 801 հազար դրամը Մեդնեթ ՓԲԸ-ից, 120 հազար դրամը՝ Կիռա ՍՊԸ-ից ստացած աշխատավարձն է, 196․470 դրամը՝ ՀՀ ֆինանսների նախարարությունից ստացած այլ եկամուտը, 60 հազար դրամը՝ Սինեմարտ ընկերությունից քաղիրավական պայմանագրերով ստացած եկամուտը։
Ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 24 մլն 373․037,2 դրամ։
