Նովոսիբիրսկում Քննչական կոմիտեի քննիչները ձերբակալել են 22-ամյա մի կնոջ՝ սեփական նորածին երեխային սպանելու փորձի կասկածանքով։
«Ռիա Նովոստի»-ն գրում է, որ նորածին երեխային երեկ հայտնաբերել էին աղբամանում։
Քննիչը հարցաքննել է կասկածյալին և վկաներին, նշանակվել են անհրաժեշտ դատաբժշկական փորձաքննություններ։ Կնոջը բերման են ենթարկել և մեղադրանք է առաջադրվել նորածնի նկատմամբ սպանության փորձ կատարելու համար։ Նրա նկատմամբ խափանման միջոց ընտրելու հարցն է քննարկվում։
ՔԿ-ից հայտնել են, որ պոլիէթիլենային տոպրակի մեջ փաթաթված երեխային հայտնաբերել են աղբարկղում, երբ դրսում ցերեկը -25 աստիճան սառնամանիք էր։
