Փետրվարի 16-ին Մյունխենում տեղի է ունեցել Ադրբեջանի նախագահ Իլհամ Ալիևի և Թուրքիայի արտաքին գործերի նախարար Հաքան Ֆիդանի հանդիպումը, հայտնում են ադրբեջանական ԶԼՄ–ները։
Ֆիդանը շնորհավորել է Ադրբեջանի ղեկավարին նախագահական ընտրություններում տարած հաղթանակի կապակցությամբ։
Զրույցի ընթացքում ևս մեկ անգամ ընդգծվել է, որ Թուրքիայի և Ադրբեջանի միջև բարեկամական և եղբայրական հարաբերությունները զարգանում են բոլոր ոլորտներում։
Հանդիպմանը քննարկվել են հայ–ադրբեջանական հարաբերությունները, խաղաղության պայմանագրի շուրջ բանակցությունները և տարածաշրջանային անվտանգության հետ կապված հարցեր։
