Վարչապետ Նիկոլ Փաշինյանի կինը կոչով դիմել է Հայաստանում և Հայաստանից դուրս ապրող «շատ, չափազանց շատ, աննկարագրելի շատ չարացած «քույրերին եւ եղբայրներին»»։
«Վստահ եմ, որ դուք ձեր անհատական-անձնական-մասնավոր պատճառներն ունեք չարանալու, եւ այդ պատճառները ձեզանից յուրաքանչյուրին անասելի ծանր եւ անտանելի են թվում։
Եւ, այնուամենայնիվ, դուք էլ պինդ եղեք։ Եթե չեք կարողանում պինդ լինել, ապա փորձեք ավելի հավասարակշռված լինել։ Եթե չեք կարողանում հավասարկշռված լինել, ապա առնվազն ժամանակն է, որպեսզի սկսեք մտածել դրա մասին եւ աշխատեք այդ ուղղությամբ։
Որպես առաջին քայլ՝ փորձեք հանրային հարթակներում ձեր հնչեցրած խոսքը կառավարել։
Նկատի չունեմ՝ այլեւս իմ ամուսնու, իմ ու իմ երեխաների առասպելական տանջանքներն ու մահը չփափագեք։ Իհարկե, ոչ։ Դա ձեր ընտրությունն է, եւ ոչ ոք չի կարող քննարկել անգամ այդ ընտրությունը։
Պարզապես ժամանակն է, որ ավելի պատասխանատու լինեք սեփական միջավայրի հանդեպ, եւ ամենատարբեր փափագներ ձեւակերպելիս արտահայտչամիջոցների եւ բառերի ընտրություն կատարեք։
Եւ համոզված եղեք՝ դա հանդարտություն եւ հանգստություն կբերի առաջին հերթին հենց ձեզ»,- Facebook-ում գրել է Աննա Հակոբյանը։
