2021 թվականի մայիսին Հայաստանի երկու օդանավակայաններում («Զվարթնոց» եւ «Շիրակ») ուղեւորահոսքը կազմել է 166 353 ուղեւոր: Այդ մասին NEWS.am-ի թղթակցին հայտնել է «Զվարթնոց» միջազգային օդանավակայանի մամուլի քարտուղար Սաթենիկ Հովհաննիսյանը:
Նշենք, որ այս տարվա մայիսին «Զվարթնոց» օդանավակայանում ուղեւորահոսքը կազմել է 151 761 ուղեւոր. ժամանել է 75 687, մեկնել՝ 76 074 ուղեւոր:
Նույն ժամանակահատվածում «Շիրակ» օդանավակայանում ուղեւորահոսքը կազմել է 14 592 ուղեւոր. ժամանել է 6 826, մեկնել՝ 7 766 ուղեւոր:
2021 թվականի մայիսին օդային ճանապարհով ժամանել է 82 513 քաղաքացի (հաշվի առնելով երկու օդանավակայանների տվյալները):
Նույն ժամանակահատվածում օդային ճանապարհով մեկնած քաղաքացիների թիվը կազմել է 83 840 ուղեւոր:
Ապրիլին Հայաստանի երկու օդանավակայաններում («Զվարթնոց» եւ «Շիրակ») ուղեւորահոսքը կազմել է 134 130 ուղեւոր. ժամանել է 58 978, մեկնել՝ 75 152 ուղեւոր:
Ստացվում է, որ ի տարբերություն 2021 թվականի ապրիլի՝ մայիսին Հայաստանի երկու օդանավակայանների ուղեւորահոսքն ավելացել է 32 223 ուղեւորով (24 տոկոսով):
