Ռուսաստանաբնակ հայ գործարար և բարերար, «Տաշիր» ընկերությունների խմբի հիմնադիր Սամվել Կարապետյանը հայտարարել է, որ պատրաստվում է Ստեփանակերտի հիվանդանոցի գնդակոծված ծննդատունը վերակառուցել։ Այդ մասին գործարարը պատմել է ՌԻԱ Նովոստի- ին:
Երեկ ադրբեջանական օդուժը թիրախավորել էր Ստեփանակերտի հիվանդանոցը և ծննդատունը։
«Ուզում եմ վստահեցնել Արցախի բնակիչներին, որ մենք անպայման Ստեփանակերտում նոր ժամանակակից ծննդատուն կկառուցենք։ Այստեղ կրկին նոր կյանքեր են երկնելու»,- ասել է Սամվել Կարապետյանը։
Ստեփանակերտի հիվանդանոցային համալիրը՝ շուրջ 30 միլիոն դոլար արժողությամբ, նախորդ տարիներին կառուցվել էր Սամվել Կարապետյանի ֆինանսավորմամբ։
