Անցած 24 ժամվա ընթացքում Ռուսաստանում հայտնաբերվել է կորոնավիրուսի 4 785 նոր դեպք: Այս մասին տեղեկացրել են վարակի դեմ պայքարի օպերատիվ շտաբից։
Ընդհանուր առմամբ, համավարակի սկզբից ի վեր Ռուսաստանում գրանցվել է 942 106 դեպք: Դրանցից 755 513 հիվանդ բուժվել է, և 16 099 մարդ մահացել է:
Ըստ շտաբի՝ հինգերորդ օրն անընդմեջ ամենօրյա աճը պահվում է 5000-ից ցածր: Նախորդ օրը Ռուսաստանում գրանցվել էր 4828 նոր դեպք, իսկ օգոստոսի 18-ին`4748, այս ցուցանիշը ապրիլի վերջինից հետո ևս մեկ անգամ թարմացրեց նվազագույնը:
Բոլոր նոր հիվանդները հիմնականում գրանցվել են Մոսկվայում։ COVID-19- ի ևս 160 նոր դեպք է գրանցվել Սանկտ Պետերբուրգում, 157-ը՝ Մոսկվայի մարզում, 139-ը՝ Սվերդլովսկի մարզում, 132-ը՝ Նիժնի Նովգորոդի շրջանում, 129-ը` Ստավրոպոլի երկրամասում, 127-ը՝ Ռոստովի մարզում, 114-ը` Կրասնոյարսկի երկրամասում և 105-ը՝ Իրկուտսկի մարզում: Մյուս շրջաններում ամենօրյա աճը չի գերազանցում 100 դեպքը:
Ավելի վաղ Մոսկվայի սոցիալական զարգացման գծով փոխքաղաքապետ Անաստասիա Ռակովան հայտարարել էր, որ մայրաքաղաքում սկսել են թեստավորել ուսուցիչներին և ուսումնական հաստատությունների այլ աշխատակիցների:
Ավելի վաղ՝ օգոստոսի 11-ին, Ռուսաստանի առողջապահության նախարարությունը գրանցել է պատվաստանյութ։ Սա աշխարհում առաջին գրանցված պատվաստանյութն է՝ SARS-COV-2 կորոնավիրուսային վարակի դեմ: Ըստ «Ռոսպոտրեբնադզորի» ղեկավար Աննա Պոպովայի՝ Ռուսաստանը պետք է ունենա մի քանի տարբեր պատվաստանյութեր այս վիրուսի դեմ:
