«Բարսելոնայի» գլխավոր մարզիչ Էռնեստո Վալվերդեն ՈւԵՖԱ-ի պաշտոնական կայքին տված հարցազրույցում խոսել է «Ռոմայի» հետ Չեմպիոնների Լիգայի քառորդ եզրափակիչի պատասխան խաղի մասին:
«Ռոման կփորձի խաղալ ավելի ինտենսիվ, նրանք պետք է գոլեր խփեն: Կարող եմ ենթադրել,որ նրանք խաղադաշտ կմտնեն արագ գոլ խփելու նպատակով, և մենք պետք է պատրաստ լինենք դրան:
Ես միշտ մտածում եմ, որ շատ հնարավոր է պարտվենք, սակայն նաև միշտ հավատում եմ մեր հաղթանակին:
Այո մենք հաշվի մեջ ունենք լուրջ առավելություն, սակայն «Ռոման» հրաշալի թիմ է և ունի ուժեղ ֆուտբոլիստներ: Պետք է խաղադաշտ մտնենք այն մտքով, ասես առաջին խաղն ավարտվել է 0:0 հաշվով:
Ես գիտեմ, որ Մեսսին միայնակ կարող է վճռել խաղի ելքը, բայց մրցակիցն էլ ունի ֆուտբոլիստներ, որոնցից զգուշանալ է պետք:
Ֆուտբոլն անկանխատեսելի խաղ է, խաղը կարողա է ավարտվել ցանկացած հաշվով, պետք չէ մտածել, թե «Ռոման» լուրջ մրցակից չէ»,- նշել է իսպանացի մասնագետը:
Հիշեցնենք, որ թիմերի միջև առաջին խաղն ավարտվել էր «Բարսելոնայի» հաղթանակով (4:1):
