Բռնցքամարտի հինգ քաշային կարգերում նախկին աշխարհի չեմպիոն Ֆլոյդ Մեյվեզերի ավտոշարասյունը հարձակման է ենթարկվել, հայտնում է «TMZ»-ն:
Երեք մեքենայից բաղկացած ավտոշարասյունը Ատլանտայի գիշերային ակումբներից մեկից դուրս գալուց հետո հայտնվել է կրակի տակ:
Աղբյուրի տեղեկացմամբ Մեյվեզերի թիկնապահներից մեկը վիրավորվել է ոտքից:
Նրան տեղափոխել են մոտակա հիվանդանոցներից մեկը:
Իրավապահ մարմինները փնտրում են հարձակումն իրականացնողներին: Ոստիկանների կարծիքով հարձակումը պատահակ չի եղել:
Հանցագործների ինքնությունը դեռևս պարզ չէ: Ֆլոյդ Մեյվեզերը բարեբախտաբար չի տուժել:
