Բեռլինում ավարտվում է շախմատի աշխարհի չեմպիոնի հավակնորդների մրցաշարը:
Նախավերջին՝ 13-րդ տուրում Հայաստանի ուժեղագույն շախմատիստ Լևոն Արոնյանը սևերով պարտվել է ամերիկացի Ֆաբիանո Կարուանային: Պարտիան ավարտվել է 39-րդ քայլում:
Ադրբեջանցի Շաքրիյար Մամեդյարովը հաղթել է ռուս Ալեքսանդր Գրիշչյուկին, իսկ Սերգեյ Կարյակինը կիսել է միավորն ամերիկացի Ուեսլի Սոյի հետ:
Տուրի չավարտված միակ՝ Դին Լիրեն-Վլադիմիր Կրամնիկ պարտիայում հավանաբար կգրանցվի խաղաղ ելք:
Վերջին տուրից առաջ մրցաշարային աղյուսակը 8 միավորով գլխավորում է Կարուանան: Լևոն Արոնյանը 4 միավորով վերջին տեղում է:
Վաղը հայ գրոսմայստերը սպիտակներով կմրցի Ուեսլի Սոյի հետ:
