Գեղասահքի աշխարհի առաջնության ամենասպասված ելույթը ռուս գեղասահորդուհի, օլիմպիական չեմպիոն Ալինա Զագիտովայինն էր։ Եթե նա հաղթեր, կդառնար աշխարհում միակ գեղասահորդուհին, ով 15 տարեկանում նվաճած կլիներ բոլոր տեսակի կարեւոր մեդալները։
Սակայն Զագիտովան ձախողվեց ու բավական տխուր կերպով։ Նա ելույթի ժամանակ 3 անգամ վայր ընկավ ու արդյունքում գրավեց միայն 5-րդ տեղը։
Հաղթանակ տարավ Կանադայի ներկայացուցիչ Կեյտլին Օսմոնդը։ Երկրորդ եւ երրորդ տեղերում ճապոնացի մարզուհիներն էին՝ Վակաբա Խիգուչին եւ Սատոկո Միյախարան։
