«Լիլի» մոտ 100 երկրպագու Ֆրանսիայի առաջնության 29-րդ տուրի` «Մոնպելյեի» հետ խաղից հետո (1:1) ներխուժել է դաշտ ու հարձակվել խաղացողների վրա:
Երկրպագուները սկսել են վիրավորել «Լիլի» ֆուտբոլիստներին և սպառնալ նրանց ընթացիկ մրցաշրջանում գրանցած անհաջող արդյունքների համար, հայտնում է «ESPN»-ը:
Երկրպագուներից մեկը հարվածել է «Լիլի» հարձակվող Նիկոլա Պեպեի ոտքին, տուժել է նաև պաշտպան Ադամա Սումաորոն:
Բացի դա, երկրպագուները վիրավորանքներ են հնչեցրել ակումբի նախագահ Ժերար Լոպեսի հասցեին:
Հիշեցնենք` 29 տուրից հետո «Լիլը» (28 միավոր) զբաղեցնում է Ֆրանսիայի առաջնության մրցաշարային աղյուսակի նախավերջին հորիզոնականը:
