Մադրիդի «Ռեալի» գլխավոր մարզիչ Զինեդին Զիդանը խոսել է այս մրցաշրջանում իր թիմի ցուցադրած ելույթների մասին.
«Ես այն մարդկանցից չեմ, որ կմեղադրեմ իմ երկու կամ երեք ֆուտբոլիստներին անհաջողության մեջ: Բոլորս ենք պատասխանատու այս ցուցանիշների համար: Ես՝ որպես գլխավոր մարզիչ, առաջնային պատասխանատվություն եմ կրում այս ամենի համար:
Չեմ պատրաստվում ձեզ ասել, թե ինչ եմ խոսել ակումբի ղեկավարների հետ: Դրանք խոսակցություններ են, որ կարող են լինել ցանկացած ակումբում:
Դու կարող եք ասել, որ մենք անկում ենք ապրում: Մենք փորձում ենք լուծումներ գտել, խոսել անհաջողությունների մասին և շտկել իրավիճակը: Խոսել եմ ղեկավարների հետ մի փոքր ավելի շատ, քան նախկինում, բայց դա եղել է սովորական զրույց:
Ես իմ կարծիքն արդեն հայտնել եմ. ինձ նոր ֆուտբոլիստներ պետք չեն: Տեսնենք, թե ինչ կլինի մրցաշրջանի ավարտից հետո: Եթե փոփոխություններ պետք լինեն, ապա անպայման կդիմենք նման քայլերի»,- ֆրանսիացի մասնագետի խոսքերը մեջբերում է «Marca»-ն:
