Pantone հետազոտական կենտրոնը հայտնել է՝ որն է 2018 թվականի գլխավոր գույնը։ Եկող տարվա գույնն է դարձել Ultra Violet մանուշակագույն երանգը։
Ընկերությունից հայտնել են, որ 18-3838 երանգը խորհրդանշում է ինքնատիպությունը և ունակ է դրդել ստեղծագործական թռիչքների։
Pantone-ը որոշում է տվյալ տարվա գլխավոր գույնը սկսած 2000 թվականից։ Ըստ ընկերության՝ 2017 թվականի գլխավոր գույնն էր դարձել դեղնականաչավուն երանգը։ Նման կանխատեսումներ ընկերությունն անում է՝ հիմնվելով հասարակության մեջ սոցիալական ու մշակութային փոփոխությունների, ինչպես նաև արվեստի տարբեր ճյուղերում՝ մասնավորապես նորաձևությունում, այս կամ այն երանգի օգտագործման միտումների վրա։
