Իսպանական Մալյորկայում շարունակվում է ՖԻԴԵ-ի «Գրան պրիի» վերջին՝ չորրորդ փուլի մրցաշարը:
Երրորդ տուրում հայ գրոսմայստեր Լևոն Արոնյանը մրցեց ֆրանսիացի Մաքսիմ Վաշյե-Լագրավի հետ: Պարտիան ավարտվեց ոչ-ոքի արդյունքով: Մեր շախմատիստը հանդես էր գալիս սև խաղաքարերով:
Երրորդ տուրից հետո Արոնյանն ու Վաշյե-Լագրավն իրենց ակտիվում ունեն 2-ական միավոր: Նրանք Անիշ Գիրի ու Թեյմուր Ռաջաբովի հետ գլխավորում են մրցաշարային աղյուսակը:
Հիշեցնենք, որ նախորդ 2 տուրերում հայ գրոսմայստերը սևերով ոչ ոքի էր խաղացել ռուսաստանցի Դմիտրի Յակովենկոյի հետ, իսկ սպիտակներով հաղթել էր Էրնեստո Ինարկիևին:
