Նոր Զելանդիայում հայտնվել է մահի կոստյումով մեկը,ով ոչ թե ինչ-որ խելապակաս է,կամ միայնակ, այլ մասնակցում է ակցիայի,որը կազմակերպոլ է պետությունը:
Նոր Զելանդիայի իշխանությունները որոշել են յուրովի մոտենալ ջրամբարների մոտ անվտանգության քարոզչությանը: Instagram-ում ստեղծել են գերանդին ձեռքին մահվան ծովափնյա զվարճանքների մասին բլոգ:
Մահվան խավար խորհրդանիշը զվարճանում է՝ ստիպելով Ձեզ նախանձել. «Նույնիսկ մահն ավելի հետաքրքիր կյանք ունի, քան ես»:
Գերանդիով կինը ծովափնյա վոլեյբոլ է խաղում, լողում է փչովի կենդանիների վրա, լուսանկարվում է գեղատեսիլ ջրվեժի մոտ, կոկտեյլներ է վերցնում, հանգստացողներին է հետևում բարձրադիր խցից, կարծես պատրաստ՝ ցանկացած պահի մոտենալ խեղդվողին:
Այս գովազդային արշավն ուղղված է հիմնականում 18-24 տարեկան տղամարդկանց: Ինչպես ցույց են տվել հետազոտությունները, քաղաքացիների հենց այդ խումբն է առավել հաճախ մահվան ռիսկի ենթարկվում ափամերձ հանգստավայրերում:
