«Վաղը սպասելու եմ Մարտուն Գրիգորյանին թիրախավորողների զղջացող գրառումներին»,-գրել է «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով «Մեր քաղաքը» դաշինի կողմից Գյումրու քաղաքապետի թեկնածու առաջադրված Մարտուն Գրիգորյանի լռության արձագանքներին։
ՀՀԿ-ական գործիչը նշում է.
«Այս անիմաստ աղմուկից մի օգուտ եղավ՝ մի խումբ փողով գործիՔներ և գործիՉներ այսօրվա իրենց հացն էլ վաստակեցին ՀՀԿ-ի մասին ստեր ու դավադրապաշտական զառանցանքներ տարածելով»։
Հիշեցնենք, որ Գյումրու ավագանու արտահերթ ընտրությունների արդյունքում մանդատները կբախշվեն հետևյալ կերպ
«Քաղաքացիական պայմանագիր» Սարիկ Մինասյան - 14 մանդատ
«Հայաստանի կոմունիստական կուսակցություն», Վարդան Ղուկասյան – 8 մանդատ
«Մեր քաղաքը», Մարտուն Գրիգորյան - 6 մադնատ
«Իմ հզոր համայնք», Ռուբեն Մխիթարյան - 3 մանդատ
«Մայր Հայաստան», Կարեն Սիմոնյան - 2 մանդատ։
Հիշեցնենք, որ Գյումրի համայնքի ավագանու առաջիկա նիստը կկայանա ապրիլի 16-ին։
Գյումրի համայնքի ավագանին ունի 33 մանդատ: Համայնքի ղեկավար է ընտրվում այն թեկնածուն, որն ստանում է ավագանու անդամների ընդհանուր թվի ձայների մեծամասնությունը՝ 17 ձայն։
Վարդան Ղուկասյանին աջակցելու մասին հայտարարել են «Իմ հզոր համայնքը» և «Մայր Հայաստան» քաղաքական ուժերի ընտրական ցուցակների առաջին համարները՝ Ռուբեն Մխիթարյանն ու Կարեն Սիմոնյանը։
Մարտուն Գրիգորյանը երեկ հանդես եկավ կարճ հայտարարությամբ. «Սիրելի գյումրեցիներ, վերահաստատում եմ ասածս` ՔՊ-ն Գյումրիում քաղաքապետ չի ունենալու` դա հաստատ է»։
