Մերձմոսկվայում գտնվող «Crocus City Hall»-ում տեղի ունեցած ահաբեկչությունից հետո բռնկված հրդեհի մակերեսը 12900 քառակուսի մետր է։
Հաղորդվում է, որ ՌԴ արտակարգ իրավիճակների նախարարությունը շարունակում է թե՛ գետնից, թե՛ օդից կրակը տեղայնացնելու փորձերը։
Ավելի վաղ հաղորդվել էր, որ անհայտ երեք անձ ներխուժել է համերգասրահ և կրակ բացել մարդկանց ուղղությամբ։ Շենքում պայթյուն է տեղի ունեցել և հրդեհ բռնկվել։ Ահաբեկչության հետևանքով զոհվել է առնվազն 40, վիրավորվել՝ ավելի քան 100 մարդ։ ՌԴ Քննչական կոմիտեն քրեական գործ է հարուցել «Ահաբեկչական գործողություն» հոդվածով։
