Ամերիկյան տեխնոլոգիական հսկան` Google հրապարակել է իր «Որոնումներ 2023» զեկույցը՝ ամենամյա հետազոտություն այն մասին, թե ինչ են մարդիկ ամենաշատը փնտրում համացանցի լավագույն որոնման համակարգում:
Եվրանյուզի հաղորդմամբ, նորությունների բաժնում Իսրայելի և ՀԱՄԱՍ-ի միջև պատերազմը գլխավորել է համաշխարհային որոնումների ցուցակը, որին հաջորդել են փետրվարի գրանցված երկրաշարժերը Թուրքիայում և Սիրիայում և «Տիտան» սուզանավի աղետը:
Ինչ վերաբերում է մշակութային երևույթներին, ապա զարմանալի չէ, որ այս տարի Google-ում ամենահայտնի ֆիլմը եղել է «Բարբի»-ն, որին հաջորդում է «Օփենհայմերը»։ «Բարբենհայմերը» տարածվել է ամբողջ ամբողջ աշխարհում և դարձել ամառվա ամենավառ իրադարձություններից մեկը։
Ամենաորոնվող հայտնիներից է Ջերեմի Ռենները, ով հունվարին ձյուն մաքրող մեքենայի հարվածից հետո հայտնվել էր լուրերի վերնագրերում:
Հանգուցյալ Մեթյու Փերին և Թինա Թերները գլխավորել են այս տարի մահացած հայտնիների ցուցակը։
Հեռուստատեսությամբ 2023-ի ամենահայտնի սերիալների եռյակը՝ «The Last of Us», «Wednesday» և «Ginny and Georgia»:
Ճապոնական Yoasobi դուետի «Idol» երգը դարձել է Google-ի որոնումներում ամենահայտնի երգը, որին հաջորդում են ամերիկացի քանթրի աստղ Ջեյսոն Ալդիանի «Try That In A Small Town»-ը և Շակիրայի դիս-թրեքը՝ «Bzrp Music Sessions, Vol. 53 «արգենտինացի պրոդյուսեր Բիզարապի հետ։
Շակիրան նաև այս տարի դարձել է Google-ում աշխարհի ամենաշատ որոնված երաժիշտը։
Եվրոպան հայտնի էր թանգարանների, զբոսայգիների և մարզադաշտերի որոնումների մեջ:
Մարդիկ Google-ում փնտրել են Փարիզի Լուվրը և Օրսեի թանգարանը, ինչպես նաև Լոնդոնի Բրիտանական թանգարանը և Ազգային պատմության թանգարանը: Եվրոպայում այս տարի շատ են փնտրել նաև Եվրատեսիլ երգի մրցույթին վերաբերող տեղեկություն;
Արհեստական ինտելեկտը նույնպես այս տարի դարձել է համաշխարհային հիմնական միտումներից մեկը։
ChatGPT-ն այս տարի ամենահայտնի տեխնոլոգիական տերմինն էր Ավստրիայում, Բելգիայում, Լատվիայում, Լիտվայում, Իսպանիայում, Շվեյցարիայում և Գերմանիայում:
