Կանադայում ութամյա տղայի վրա պումա է հարձակվել, ինչից հետո նա քիչ էր մնում մահանար արյան կորստից։ Այս մասին հայտնում է Daily Mail-ը։
Երեխան ընտանիքի 40-ամյա ընկերուհու հետ ճամբար է գնացել Ալբերտա: Երբ երեխաները խաղում էին գետի մոտ, պուման հարձակվել է տղայի վրա. գիշատիչը կծել է նրա գլխից և փորձել է կոտրել նրա պարանոցը։ Կնոջը հաջողվել է վախեցնել կենդանուն, որից հետո պուման բաց է թողել տուժածին ու փախել։
Տղայի ծնողների ընկերուհին սրբիչը փաթաթել է նրա գլխին ու պարանոցին և կանչել փրկարար ծառայություն։ Դեպքի վայր ժամանած շտապօգնության խումբը երեխային ուղղաթիռով տեղափոխել է մանկական հիվանդանոց, որտեղ բժիշկները երեքժամյա վիրահատություն են կատարել։ Նրա ծնոտը կոտրվել է, նա ստացել է գլխի, դեմքի և պարանոցի լուրջ վնասվածքներ։ Տուժածի վրա մոտ 200 կար է դրվել։
Կենդանուն հայտնաբերել են իրավապահները և քնեցրել։
