Վեսթմինսթերյան աբբայությունում տեղի է ունենում Եղիսաբեթ Երկրորդի պետական հուղարկավորության արարողությունը, գրում է Daily Mail-ը:
Թագավոր Չարլզ Երրորդը քրոջ՝ արքայադուստր Աննայի և եղբայրների՝ արքայազն Էդվարդի և Էնդրյուի, ինչպես նաև իր որդիների՝ գահաժառանգ արքայազն Ուիլյամի և արքայազն Հարրիի հետ ոտքով հետևել է դագաղին:
Սպասվում է, որ ընդհանուր առմամբ միջոցառմանը կմասնակցի 2000 մարդ՝ օտարերկրյա պետությունների և կառավարությունների ղեկավարներ, Եվրոպայի և Ասիայի թագավորական տների անդամներ, ինչպես նաև բրիտանացի գեներալ-նահանգապետեր:
Ինչպես երևում է Daily Mail-ի ֆոտոշարքում, միջոցառմանը մասնակցում են բազմաթիվ համաշխարհային առաջնորդներ:
Այնուհետև դագաղը կտեղափոխեն դիակառք, որը թագուհու մարմինը կտանի Վինձորի ամրոց։ Դագաղը կիջեցնեն թագավորական դամբարան։ Թագուհին կթաղվի իր հանգուցյալ ամուսնու՝ արքայազն Ֆիլիպի հետ, Գեորգ VI թագավորի հուշահամալիրում:
Եղիսաբեթ II-ը մահացել է սեպտեմբերի 8-ի երեկոյան։ Նա մահացել է 96 տարեկանում։Մեծ Բրիտանիայի գահը Եղիսաբեթ II-ի մահից հետո անցավ նրա ավագ որդուն՝ Չարլզին։ Բրիտանիայի նոր միապետը ստացել է Չարլզ III անունը։
ԱՄՆ նախագահը՝ կնոջ հետ
Ֆրանսիայի նախագահը՝ կնոջ հետ
Կանադայի վարչապետը՝ կնոջ հետ
Նոր Զելանդիայի վարչապետը՝ ամուսնու հետ
Չինաստանի փոխնախագահ
Ավստրալիայի վարչապետը՝ կնոջ հետ
Բրազիլիայի նախագահը՝ կնոջ հետ
Իտալիայի նախագահը՝ դստեր հետ
Իռլանդիայի նախագահը
Իսրայելի նախագահը՝ կնոջ հետ
