Ապրիլի 4-ին, ժամը 13:42-ին Տավուշի մարզային ճգնաժամային կառավարման կենտրոն ահազանգ է ստացվել, որ Իջևան քաղաքի Բլբուլյան փողոցում այրվում է խոտածածկ տարածք։ Այս մասին հայտնում են ԱԻՆ-ից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ հրդեհը բռնկվել է չշահագործվող շինության տանիքում։
Հրդեհը մեկուսացվել է ժամը 14:16-ին, մարվել՝ 14:29-ին: Այրվել են տանիքի փայտե կառուցատարրերը՝ մասամբ (մոտ 200 քմ) և մոտակայքում խոտածածկույթ (մոտ 100 քմ)։
