Էջմիածնի Չարենց փողոցի 5-րդ շենքում արդեն 2 ամիս է՝ ջուրը լցվում է բնակիչներից մեկի բնակարան: Այս մասին ArmDay.am-ին հայտնեց տեղի բնակիչներից մեկը:
Բնակիչները, պարբերաբար, զանգահարում են «Թեժ գիծ», սակայն նրանք խոստանում ու այդպես էլ չեն անդրադառնում խնդրին:
«Տանտերերը ստեղծված իրավիճակի մասին հայտնել են նաև Համատիրությանն ու Ջրմուղին, սակայն նրանք հարցն իրար վրա են գցում՝ ասելով, որ իրենց լիազորությունների մեջ չէ այդ խնդրի լուծումը»,- ասաց նա:
Հարցը մնացել է օդում կախված. Որևէ մեկն իրեն պատասխանատու չի զգում այս հարցով. «Վեոլիա» ջուրը ևս հրաժարվել է խնդրին լուծում տալ: Տանտերերն անհանգստացած են, որ հարցին շուտափույթ լուծում տրվի հակառակ դեպքում, եղանակի փոխվելուց հետո անհնար կլինի հարցին պատշաճ լուծում տալ:
Մանրամասները՝ տեսանյութերում:
