Օրեր առաջ Հայաստանի կառավարության որոշմամբ Հայաստանի նախագահ Սերժ Սարգսյանին անհատույց հանձնվեց կառավարական ամառանոցը։
Այսինքն՝ Սերժ Սարգսյանը սեփականության իրավունքով ստացավ այն տունը, որտեղ բնակվում էր նախագահի պաշտոնը զբաղեցնելու ժամանակաշրջանում:
Նշենք, որ ըստ օրենքի, պաշտոնաթող նախագահները ստանում են տուն իրենց ընտրությամբ։ Որտեղ են տեղակայված Հայաստանի նախագահների տները, որոնք նրանք իրենց ընտրությամբ ստացել են պետության կողմից, Wnews.am-ը ներկայացնում է ստորեւ.
Լեւոն Տեր-Պետրոսյանի առանձնատունը գտնվում է Ծիծեռնակաբերդի ստորոտին, Հրազդանի ձորափին։
Ռոբերտ Քոչարյանի առանձնատունը գտնվում է Իսակովի պողոտայի վրա, Երեւանից Զվարթնոց օդանավակայան տանող ճանապարհին:
Սերժ Սարգսյանն ընտրել է այն տունը, որտեղ ապրում էր։ Այն տեղակայված է Կոնդ թաղամասում։
