Կեմերովոյում հրդեհված «Զիմնայա վիշնյա» առեւտրի կենտրոնի տնօրեն Նադեժդա Սուդդենոկը դատարանում հայտարարել է, որ առեւտրի կենտրոնում միշտ գնչու դեռահասներ էին լինում, ովքեր անվճան մանկական ատրակցիոններից էին օգտվում, զուգարանի պատերին նկարում։ Ասել է՝ բազմիցս նրանց վտարել են խանութից, անգամ կոնֆլիկտ է եղել։
«Կոմսոմոլսկայա պրավդա»-ի փոխանցմամբ՝ առեւտրի կենտրոնի կինոսրահի աշխատակից Եվգենին, ում անվանում են գլխավոր ականատես, ասել է, որ մի քանի անգամ տեսել է մոտ 12 տարեկան տղայի, ով փորձել է լողավազանում հրդեհ կազմակերխել։ Առաջին անգամ նրան արգելել են, երկրորդ անգամ հրդեհ բռնկվել է, հանգցրել են, տղային հեռացրել առեւտրի կենտրոնից։
Լրագրողը, ով հետաքննել է այս վարկածը, ասում է, որ իրեն ասել էին, որ հենց առեւտրի կենտրոնի դիմաց գտնվող շենքում գնչուներ ապրում են։
Լրագրողը պատմել է, որ երբ գնացել է գնչուների թաղամաս, հարցրել է, թե արդյոք այդտեղ գնչուներ ապրում են, թե ոչ, դեռահասները հարցրել են, թե արդյոք իրեն հերոի՞ն է պետք։
Այդուամենայնիվ, լրագրողը նշում է, որ տարածքում երկար պտտվել է, ոչ մի գնչուի չի հանդիպել։ Լրագրողը նշում է, որ իր հետաքննությամբ՝ քաղաքում գնչուները քիչ էին, բնականոն կյանքով էին ապրում։
