Փհենչհանում օլիմպիական մրցումների 12-րդ օրը սկսվեց կանանց մենասահքի կարճ ծրագրով։ Այստեղ ռուս գեղասահորդուհիները պարզապես անկրկնելի էին։ Հրաշալի կատարումներով նրանք միանգամից երկու համաշխարհային ռեկորդ սահմանեցին 20 րոպեի ընթացքում։
Սկզբում հայկական արմատներով գեղասահորդուհի Եվգենիա Մեդվեդեւան նոր ռեկորդ սահմանեց կարճ ծրագրում՝ հավաքելով 81, 61 միավոր։ Նրանից անմիջապես հետո Ռուսաստանի մյուս ներկայացուցիչ 16-ամյա Ալինա Զագիտովան նոր ռեկորդ սահմանեց՝ հավաքելով 82.92 միավոր։
Կարճ ծրագրից հետո առաջատարը Զագիտովան է, երկրորդը՝ Մեդվեդեւան, երրորդը՝ Կանադայի ներկայացուցիչ Օսմոնդ Կետլինը՝ 78,87 միավորով։
Վաղը՝ ազատ ծրագրից հետո, կպարզվեն չեմպիոնները։
