Գեղասահքի կարճ ծրագրից հետո առաջատարը կանադացիներն են՝ համաշխարհային ռեկորդով (լուսանկարներ)

Փհենչհանում ընթացող օլիմպիական մրցումների 10-րդ օրը մեկնարկեց գեղասահքի պարային զույգերի կարճ ծրագրով։

Արդյունքում լավագույն արդյունքը ցույց տվեցին կանադացի Տեսսա Վիրչու եւ Սկոտ Մոյր զույգը։ Նրանք հավաքեցին 83,67 միավոր, ինչով համաշխարհային նոր ռեկորդ սահմանեցին։

Երկրորդ տեղում են ֆրանսիացիներ Գաբրիելլա Պապադակիսն ու Գիյոմ Սիզերոնը՝ 81,93 միավորով, երրորդը ամերիկացիներ Մեդիսոն Հաբբելն ու Զաքարի Դոնոհյուն են՝ 77,75 միավորով։

Նշենք, որ հիմանական ծրագիրը տեղի կունենա վաղը, որտեղ էլ պարզ կդառնան օլիմպիական չեմպիոնները։