Շուտով կավարտվի Կարմիր Աքաղաղի տարին և նրան կհաջորդի Դեղին Հողե Շան տարին:Ոմանց մտքերն արդեն իսկ զբաղված են ամանորյա տոներով,թե ինչ նվեր գնել մտերիմների համար,ինչ պատրաստել յուրահատուկ սեղան ունենալու համար,կամ ինչ հագուստով դիմավորել Ամանորը:
Շատերը գիտեն, որ ամանորյա գիշերը պետք է ոչ միայն գեղեցիկ տեսք ունենալ, այլ նաև հետևել ավանդույթներին՝ այսինքն հագնվել գալիք տարվա խորհրդանիշի գույներին համապատասխան:
2018-ի տերը` Հողե Շունը արդեն իսկ թելադրում է գույները:
Սակայն, սա չի նշանակում, որ ամանորի գիշերը չի կարող լինել հագուստների գույների բազմազանություն:
Ինչպիսի գույնի հագուստներ կարելի է ընտրել ամանորը դիմավորելու համար:
Դեղին
Դեղին շանը հաճո լինելու համար պետք է ընտրել դեղին երանգների հագուստներ: Դեղին շունը կգնահատի էլեգանտ ու ավելի զուսպ հագուստները: Կարելի է շեշտադրում անել աքսեսուարների վրա:
Շագանակագույն
Շագանակագույնը ևս 2018թ.-ի հիմնական գույներից է: Շագանակագույն թավշյա հագուստները կարող են բերել ֆինանսական բարեկեցություն:
Ոսկեգույն և արծաթագույն
2018թ.-ին լայն տարածում կունենան նաև թանկարժեք մետաղների գույները, որոնք ստեղծում են տոնական տրամադրություն:
Գինու երանգները
Կարմիր գույնի սիրահարներին պետք է առավել նախապատվություն տան գինու երանգներին: Հիանալի է նայվում այս գույները թավշյա, ժանյակավոր ու շիֆոնե կտորներով: Հագուստի հետ պետք է համադրել ճիշտ աքսեսուարներ:
Սև
Սևը, անշուշտ, շարունակում է մնալ դասական ու նախընտրելի գույնը ամանորյա երեկույթի համար: Սև զգեստը կարող է Ձեզ դարձնել պարահանդեսի թագուհի:
Փրինթներ
Մեծ ուշադրություն պետք է դարձնել փրինթներով հագուստներին՝ նախապատվությունը տալով մանր ծաղկային փրինթներին:
Պաստելային գույներ
Գալիք տարի ակտուալ կլինեն նաև պաստելային գույները, որոնք հիանալի կնայվեն նաև տոնական երեկույթին: Սակայն, սպիտակ հագուստներից պետք է հեռու մնալ:
Կապույտ և կանաչ
Ամանորյա հագուստներ ընտրելիս պետք է չանտեսել կապույտ ու կանաչ գույները: Որպեսզի կերպարն առավել վառ լինի, պետք է ընտրել փայլող աքսեսուարներ, մեղմ դիմահարդարում ու նորաձև վարսահարդարում:
