ArmLur.am-ի տեղեկությունների համաձայն, էջմիածնի նախկին համայնքապետ Դիանա Գասպարյանին Հակակոռուպցիոն կոմիտեն մեղադրանք է առաջադրել։
Հակակոռուպցիոն կոմիտեից Panorama.am-ի հետ զրույցում ոչ հերքեցին, ոչ էլ հաստատեցին այդ լուրը՝ նշելով, որ չեն մեկնաբանում։
Հիշեցնենք՝ «Ժողովուրդ» օրաթերթն օրեր առաջ գրել էր, Հակակոռուպցիոն կոմիտե է հրավիրվել և հարցաքննվել Էջմիածնի նախկին քաղաքապետ Դիանա Գասպարյանը։ Մայիսի 15-ին Դիանա Գասպարյանը հայտնել էր, որ հրաժարական է տալիս։ Կուսակիցները նրա հրաժարականի պատճառների մասին մինչև օրս չեն խոսում՝ նշելով, որ Գասպարյանի ներկայացրած պարզաբանումներին ավելացնելու ոչինչ չունեն:
