ԿԳՄՍ նախարար Ժաննա Անդրեասյանը Նիկոլ Փաշինյանի հայհոյախառն գրառումներին ավելացնելու որևէ բան չունի։
«Կարծում եմ՝ վարչապետը մեկնաբանել է իր գրառումը, ավելացնելու որևէ բան չունեմ»,- լրագրողների հետ զրույցում ասաց նա։
Անդրեասյանի խոսքով՝ հանրային ձևավորված խոսույթը որևէ մեկին չի կարող դուր գալ ու դա նոր չէ, որ ձևավորված է։
«Լավ է, որ ուշադիր ենք, արժի, որ ուշադիր լինենք նաև բոլոր այն դեպքերում, երբ այդ բառամթերքը հնչում է տարբեր կողմերից, այդ թվում՝ իմ նկատմամբ»,- նշեց նա։
Հարցին՝ ի՞նքն էլ է կարծում, որ «մեր եկեղեցիները չուլանացված են»՝ նախարարն արձագանքեց, որ մենք մեր հուշարձանների հանդեպ հոգատարության շատ լուրջ խնդիր ունենք։
«Այն տրամաբանությունը, որը գործում է մեր որոշ եկեղեցիներում, թողնում է նման տպավորություն, ես ցավում եմ դրա համար»,- ասաց Անդրեասյանը։
Նա նշեց, թե պետք է շատ ուշադիր լինենեք հանրային խոսույթի նկատմամբ։
