«Հիմնական քննարկումը եղել է սոցիալական թեմայի վերաբերյալ, որից հետո մեր դիտարկումները խորհրդում կքննարկենք։ Ամենայն հավանականությամբ, անցնելու ենք գործողությունների»,- այս մասին լրագրողներին հայտնեց Արցախցիների իրավունքների պաշտպանության խորհրդի ներկայացուցիչը։
իշեցնենք, որ ՀՀ կառավարությունից հրավիրել էին Արցախցիների իրավունքների պաշտպանության խորհրդի ներկայացուցիչներին՝ այսօր հանդիպելու փոխվարչապետ Տիգրան Խաչատրյանի հետ և քննարկելու մեր պահանջները:
Նա տեղեկացրեց, որ քննարկվել է միայն սոցիալական հատվածին վերաբերող հարցեր, մնացած հարցերին կտրվեն գրավոր պատասխաններ՝ առաջիկա օրերի ընթացքում։
«Բնակարանային ծրագրի մասով հիմնական դիրքորոշումն այն էր,որ մեր կողմից ձևավորված մասնագիտական խմբերի հետ պատրաստակամ են քննարկումներ անցկացնել։ Այս պահի դրությամբ « 40+10» ծրագրի մասով հստակ դիրքորոշում ունեն, որ վերադարձ չի լինելու, բայց բնակարանային ծրագրի նաև սոցիալական ծրագրի մասով ասում են՝ փորձագիտական խմբեր ձևավորենք, սկսենք։ Իսկ մնացած կետերի մասով ասում են՝ էս ձևաչափով իրավասություն չունեք քննարկելու։ Էդ պահանջագրի մնացած կետերի մասով կառավարությունը պատասխանելու է գրավոր»,- հայտնեց քննարկումից դուրս եկած արցախցին։
Հստակեցնելով, թե ինչ գործողություններ են պատրաստվում իրականացնել, արցախցին ասաց․
«Բողոքի ակցիաները կշարունակվեն։ Մենք սպասում ենք կառավարության պատասխանին։ Մեր անելիքների մասին և խորհրդի հետ, և հանրության հետ քննարկելու, միասին կորոշենք մեր հետագա անելիքները»։
