Վարչապետ Նիկոլ Փաշինյանը նամակներ է ստանում, որոնք կարդալով՝ «ուղղակի խելագարվում է»։
«Մարդիկ ինձ նամակ են գրում, ասում են՝ «բա ինձ աշխատանք չե՞ս տալիս, պարո՛ն վարչապետ»։ Նայում եմ տեքստը, չորս նախադասություն է, մեջը 17 հատ ուղղագրական սխալ կա։ Վերջերս չդիմացա, մեկին պատասխանեցի, ասացի՝ հարգելի՛ս, բայց գոնե նամակ գրելիս մի հատ տեքստիդ նայի, ջղայինացած նամակ հետ գրեց, ասաց՝ «չհասկացա, դու մտածում ես՝ ես կրթություն չունե՞մ, որ իմանաս տենց չի, կցում եմ դիպլոմս»։ Այդ տեքստի մեջ ևս 17 հատ սխալ կար, չմտածեք չափազանցում եմ, ով ուզի՝ կտանեմ, ցույց կտամ»,- կառավարության նիստում հայտարարեց Փաշինյանը։
Նա նշեց, թե կառավարության դահլիճի տասնամյակների պրոբլեմն է եղել՝ «մեզ ո՞վ պտի բան սովորեցնի, մենք պտի սովորեցնենք»։
«Մի մարդ մոտ երկու հազար քանի տարի առաջ ասել է՝ «ես գիտեմ, որ ոչինչ չգիտեմ», ու մինչև հիմա այդ մարդը փոթորկում է մեր մտքերը, իսկ մենք ասում ենք՝ մենք գիտենք, որ ամեն ինչ գիտենք ու դրա համար ցանկացած ուրիշ բան փոթորկում ենք, բայց մտքեր չենք կարողանում փոթորկել»,- խոստովանեց Փաշինյանը։
