ՌԴ փոխարտգործնախարար Միխայիլ Գալուզինը հայտարարել է, թե անհնար է միաժամանակ լինել ԵԱՏՄ-ում և ԵՄ-ում, բայց ընտրությունը Հայաստանի ձեռքում է. միայն նա պետք է որոշի, թե որտեղ է ավելի շահավետ գտնվել։
«Հուսով ենք, որ ԵԱՏՄ-ին անդամակցության բոլոր օգուտները և ԵԱՏՄ-ի հետ խզումից առաջացած կորուստների մասշտաբները կբացատրվեն հայ հասարակությանը, որպեսզի հայ հասարակությունը օբյեկտիվ պատկերացում ունենա իրականության նկատմամբ»,- ասել է նա՝ РИА Новости-ին տված հարցազրույցում։
Գալուզինն ընդգծել է, որ ԵԱՏՄ-ն հավասար իրավունքներով պետությունների միավորում է, մինչդեռ ԵՄ-ն, նրա խոսքով, «մի կառույց է, որտեղ իրականությունից կտրված բրյուսելյան բյուրոկրատների կողմից ռուսատյաց նարատիվներ են թելադրվում»։
