«Հայտնի քաղաքագետ Ռոբերտ Փարթմանի երկմակարդակ խաղերի տեսությունների տրամաբանությունն այն է, որ ցանկացած միջազգային բանակցություն՝ շախմատային խաղ է երկու տախտակի վրա»,-ԱԺ-ում հայտարարեց «Պատիվ ունեմ» խմբակցության ղեկավար Հայկ Մամիջանյանը։
Նա բացատրեց, որ դրանից առաջին տախտակը բանկցողների միջև է, իսկ երկրորդը բանակցողի թիկումնքում է, որտեղ նա խաղում է շահառու խմբերի, քաղաքական ուժերի,հասարակության կրոնական կազմակերպությունների հետ։
«Նիկոլ Փաշինյանը զիջել է հնարավոր ամեն ինչ, այն փաստաթուղթը որը խաղաղության է կոչվում, նրա մեջ մեր օկուպացված տարածքների մասին տառ չկա։ Այսինքը, մեր հողում կանգնած է ադրբեջանցին, մենք բանակցում ենք, մեր տղաները գերի են Բաքվում, մենք բանակցում ենք և դրա ընթացքում նույնիսկ դրա մասին նշույլ էլ չենք անում, չնայած Միրզոյան Արարատը վերջերս խոստովանց՝ փորձել են չի ստացվել»,-նկատեց Մամիջանյանը և հավելեց. «Սատցվում է, որ Փաշինյանը Ալիևի հետ շախմատային խաղը պարտվել է բոլոր հնարավոր առումներով և հիմա փորձում է հաղթել շախմատային խաղը հայ ժողովրդի դեմ»։
Նշելով, որ այդ ամենին շատ քիչ է մնացել՝ Մամիջանյանը հավելեց, որ կա իրադարձությունների զարգացման երկու տարբերակ։
«Կամ շատ քիչ է մնացել բոլորիս, եթե Նիկոլ Փաշինյանը շարունակի մնալ իշխանության ղեկին, կամ քիչ է մնացել ամոթին, խայտառակությանը, պարտվողականությանը եթե հայրենասերները հաջողության հասնեն»,-ասաց Հայկ Մամիջանյանը։
