Առանձնապես ծանր հանցանքների մեջ հայտնաբերված կասկածվողը դատարանից տեղափոխվեց Արմավիրի բանտ

SHAMSHYAN.com-ի տեղեկություններով երեկ՝ սեպտեմբերի 22-ին ՀՀ քննչական կոմիտեի Երևան քաղաքի քննչական վարչության Արաբկիրի քննչական բաժնի ավագ քննիչ Տիգրան Սահակյանը միջնորդություն է ներկայացրել Երևան քաղաքի ընդհանուր իրավասության դատարան, որպեսզի դատարանը որպես խափանման միջոց երկամսյա կալանքի որոշում կայացնի սեպտեմբերի 18-ին ոստիկանության Երևան քաղաքի վարչության, ոստիկանության Արաբկիրի բաժնի կողմից տաք հետքերով հայտնաբերված և Արաբկիրի քննչական բաժին ներակայացված Արարատի մարզի բնակիչ 39-ամյա Մարտին Ա․-ի նկատմամբ, ով կասկածվում է առանձնապես ծանր հանցանքների մեջ՝ անձի առևանգում, ծեծ։

Աղբյուրի հաղորդմամբ՝ դատավոր Արամայիս Ասատրյանը դռնփակ դատական նիստն անցկացնելուց հետո գնացել է խորհրդակցական սենյակ, ապա վերադառնալով բավարարել է քննիչի միջնորդությունը և Արամայիս Ասատրյանը դատարանի դահլիճից տեղափոխվել է ՀՀ արդարադատության նախարարության քրեակատարողական ծառայության «Արմավիր» քրեակատարողական հիմնարկ։

Ավելին՝ սկզբնաղբյուրում։