Ուկրաինական գերությունից վերադարձվել է 100 ռուս զինծառայող, հայտնել են ՌԴ ՊՆ-ից։
«2024 թվականի փետրվարի 8-ին Կիևի ռեժիմի վերահսկողության տակ գտնվող տարածքից բանակցային գործընթացի արդյունքում վերադարձվել է 100 ռուս զինծառայող, որոնց գերության մեջ մահացու վտանգ էր սպառնում», - ընդգծել են գերատեսչությունում:
Նշվում է, որ դրա դիմաց Կիևին են հանձնել նույն քանակությամբ ռազմագերիներ։
Նախարարությունում նաև հավելել են, որ ռուս զինվորականների՝ գերությունից վերադարձի հարցում որպես միջնորդ հանդես են եկել Արաբական Միացյալ Էմիրությունները:
