Կարդինալ Անջելո Բեչչուն դատապարտվել է հինգուկես տարվա ազատազրկման։ Պատմության մեջ առաջին անգամ կարդինալը դատապարտվել և բանտ է ուղարկվել, հաղորդում է ANSA-ն։
Լոնդոնում Սուրբ Աթոռի համար անշարժ գույքի գնման գործընթացը տեւել է երկուսուկես տարի։ Հետաքննությունը պարզել է, որ կարդինալ Բեչչուն պատասխանատվություն է կրում ընթացակարգի ընթացքում կատարված խախտումների և չարաշահումների համար։ Նրան մեղադրանք է առաջադրվել նաև կեղծ տեղեկություններ տրամադրելու և խարդախության համար։ Դատավարության ընթացքում, բացի կարդինալից, մեղադրյալի աթոռին է եղել ևս ինը մարդ։
Մեծ Բրիտանիայում անշարժ գույք ձեռք բերելու գործարքի ժամանակ Բեչչուն ծառայում էր որպես Վատիկանի պետքարտուղարի ընդհանուր գործերով տեղակալ:
Նշվում է, որ Բեչչուի փաստաբան Ֆաբրիցիո Վիգլիոնեն ասել է, որ մտադիր է բողոքարկել դատավճիռը:
