Ռիո դե Ժանեյրոյում գտնվող Հիսուս Քրիստոսի արձանը լուսավորվել է Բրազիլիայի դրոշի գույներով՝ ի հիշատակ Պելեի, հայտնում է G1 պորտալը։
«Քրիստոսի արձանը հինգշաբթի օրը նոր գույներ ունի՝ ի հիշատակ Պելեի։ Այն կլուսավորվի Բրազիլիայի դրոշի գույներով»,- գրում է պորտալը։
Լույսերը վառ կմնան ողջ գիշեր, թեև հինգշաբթի արձանը այնքան էլ տեսանելի չէ ամպերի պատճառով:
Հիսուս Քրիստոսի արձանը տեղադրված է լեռան գագաթին՝ ծովի մակարդակից ավելի քան 700 մետր բարձրության վրա:
Ինչպես հայտնի է, հինգշաբթի օրը 82 տարեկան հասակում երկարատև հիվանդությունից հետո մահացել է պատմության միակ աշխարհի եռակի չեմպիոն Պելեն։
