|
«Դատական նիստից հետո Վահագն Վերմիշյանի ինքնազգացողությունը կտրուկ վատացել է, շտապ օգնության բրիգադը Վ.Վերմիշյանին տեղափոխել է Էրեբունի ԲԿ»,- ֆեյսբուքյան իր էջում քիչ առաջ գրել է փաստաբան Ալեքսանդր Կոչուբաևը: Հիշեցնենք՝ այսօր դատարանի նիստերի դահլիճում ՀՀ քաղաքաշինության պետական կոմիտեի նախկին նախագահ Վահագն Վերմիշյանի ինքնազգացողությունը վատացել էր, նիստն ընդմիջվել էր։ Խնդիրը, ինչպես հայտնել էր փաստաբան Կոչուբաևը, կապված է գլխուղեղի արյան շրջնառության հետ, հիվանդությունը Վերմիշյանը ձեռք է բերել հենց կալանքի կրման ժամանակ: «Նիստի վերսկսումից հետո պարոն Վերմիշյանը կոչ արեց մեկ րոպե լռությամբ հարգել Արմեն Գրիգորյանի հիշատակը, որը դատավորի կողմից ընկալվեց որպես անհարգալից վերաբերմունք, և Վահագն Վերմիշյանը հեռացվեց դահլիճից՝ 10 ժամով: Հ.Գ. Վահագն Վերմիշյանը նստած էր Արմեն Գրիգորյանի աթոռի վրա, դատավորը կրկին Մնացականն էր Մարտիրոսյան: Առողջություն Վահագն Վերմիշյանին....»,- ավելի վաղ գրել էր փաստաբանը։ |
