Քիչ առաջ շղթայական ավտովթար է տեղի ունեցել Իսակովի պողոտայում։ Միմիանց են բախվել միանգամից չորս մեքենա։ Ականատեսներից մեկը Armday.am-ին փոխանցեց, որ մինչ ճանապարհային ոստիկանների դեպքի վայր ժամանելը, վթարված մեքենաների ուղևորներին օգնություն են ցույց տվել ճանապարհով անցնող վարորդները։
Կան տեղեկություններ, որ «Նիվա» մակնիշի ավտոմեքենայում միանգամից ութ հոգի է եղել։ Նախնական տեղեկություններով տուժածներ չկան։ Այս պահին դեպքի վայրում աշխատում են ՃՈ աշխատակիցները։
