Լեգենդ դարձած մասիվցի Արսեն, Արտավազդ, Գոռ, Արմեն, Ռաֆայել, Դերենիկ, Ձեզ բացակա չենք դնի. Նոր Նորքում բացվեց Կենաց ծառ հուշահամալիրը

Այսօր՝ հոկտեմբերի 29-ին, Երևան քաղաքի Նոր Նորք վարչական շրջանի ՀՀ ազգային հերոս Կարեն Դեմիրճյանի անվան դպրոցի բակում հպարտության ու  հուզմունքի  օր էր: 

Այնտեղ էին հավաքվել Արցախյան  44-օրյա պատերազմում նահատակված, լեգենդ դարձած մասիվցիներ Արսեն Մարտիրոսյանի, Արտավազդ Մարտիրոսյանի, Գոռ Ավագյանի, Արմեն Պետոյանի, Ռաֆայել Գեղամյանի, Դերենիկ Կիրակոսյանի հարազատները, մանկության,  պատանեկություն   և զինակից ընկերները, անծանոթներ, ՀՀ պաշտպանության  նախարարության ներկայացուցիչներ:

2020թ.-ի սեպտեմբերի 27-ին, երբ թուրք-ադրբեջանական, հետո նրանց միացած վարձկան ահաբեկիչները հարձակվեցին Արցախ աշխարհի վրա, Արսենը, Արտավազդը, Գոռը, Արմենը,  Ռաֆայելը և  Դերենիկը կամավոր մեկնեցին Արցախ՝ պաշտպանելու Արցախ աշխարհը:

Տղաները միասին եղել են Հադրութի ամենաթեժ կետերում: Առաջնագծում՝ մյուս զինակից տղաների հետ, կենացմահու պայքար են տվել, ապա առաջադրանք կատարելու համար մեկնել են Մարտունի 2: Ցավոք, 2020 թ հոկտեմբերի 29-ին տղաները զոհվում են: 

Ավելին ՝ Shamshyan.com