|
«Թույլ տվեք այս պահին սահմանափակվել ԱԱԾ տարածած հաղորդագրությամբ»,- անդրադառնալով Որոտանի մոտ ադրբեջանական անցակետի տեղադրման փաստին՝ ասաց ՔՊ խմբակցության պատգամավոր Հայկ Կոնջորյանը: Հարցին՝ քայլեր ձեռնարկվո՞ւմ են իշխանության կողմից այդ ուղղությամբ, Կոնջորյանը պատասխանեց, որ ԱԱԾ հաղորդագրության մեջ նշվում է, որ քայլեր են ձեռնարկվում իրավիճակի կարգավորման վերաբերյալ: ՔՊ-ական պատգամավորը չպատասխանեց նաև այն հարցին, թե արդյոք Գորիս-Կապան մայրուղին Հայաստանի սուվերեն տարածք համարում է, թե ոչ՝ ասելով, որ հարցի վերաբերյալ մեկնաբանություն չունի: Լրագրողի դիտարկմանը՝ գոնե դատապարտո՞ւմ եք ստեղծված իրավիճակը, դարձյալ չպատասխանեց՝ նշելով, որ իր լիազորությունների մեջ չմտնող հարցեր են տալիս: |
