Մեծ Բրիտանիայի թագուհի Էլիզաբեթ 2-րդն անմնացորդ սիրել է Էդինբուրգի դուքս արքայազն Ֆիլիպին և նրան հանդիպելուց հետո այլևս «ոչ ոքի չէր նկատում», People ամսագրին պատմել է թագավորական կենսագիր Սալի Բեդել Սմիթը։
«Նա սիրահարվեց ու այլևս ոչ ոքի չէր նկատում»,- ասել է նա։
Մեծ Բրիտանիայի միապետն իր ամուսնու հետ ծանոթացել է 13 տարեկանում, երբ դեռ արքայադուստր էր։ Հայտնի է, որ արքայադստերը գրավել է արքայազն Ֆիլիպի՝ կյանքի նպատմամբ արկածախնդրությունը։
«Նրանք բազմաթիվ նամակներ էին փոխանակում, մինչ արքայազն Ֆիլիպը Երկրորդ համաշխարհային պատերազմի ժամանակ ծառայում էր թագավորական նավատորմում»,- նշել է կենսագիրը։
Զույգն ամուսնացել է 1947 թվականին, երբ թագուհին ընդամենը 21 տարեկան էր։
Զույգի ամուսնության 50-ամյակի կապակցությամբ Էլիզաբեթ 2-րդը հանրային տուրք է մատուցել իր սիրելի ամուսնուն՝ ասելով․ «Նա այն մարդկանցից է, որոնք հաճոյախոսությունների սիրահար չեն, բայց պետք է ասեմ՝ այս տարիների ընթացքում նա իմ ուժն է եղել»։
Մեկ այլ առիթով Էլիզաբեթ 2-րդը նրան անվանել է «իր ժայռը»։
