ՀՀ Տավուշի մարզպետարանի ֆեյսբուքյան էջը գրում է.
«Արմեն Բաղդասարյան՝ միշտ ներկա հերոսը․․․
19 ամյա հերոսը ծնվել է Վերին Ծաղկավանում:
Բոլորը Արմենին հիշում են կամ երգելիս, կամ կատակելիս։
Ընկերները Արմենին հուսահատված կամ տխուր երբեք չեն տեսել, ասում են, որ Արմենի ձայնը գյուղում լավագույնն էր։
Ոչ մի հավաքույթ ուրախ չէր անցնում, եթե Արմենը ներկա չէր լինում։
2019 թվականի դեկտեմբերի 19 ին Արմենը զորակոչվել է բանակ: Ծառայել է Արցախում՝ Ջրականում(Ջաբրայիլում)՝որպես սահմանապահ զինվոր: Հերոսական կռիվ է մղել Ջաբրայիլում, Հադրութում, Մարտունիում:
Այսօր գյուղում Արմենի և նրա հերոս ընկերների մասին են բոլոր խոսակցությունները։ Ասում են՝ մեր հավաքույթները էլի ուրախ կանցնեն, որովհետև Արմենը միշտ մեզ հետ է, մեր կողքին, ներկա։
Պարտական ենք քեզ, խոնարհվում ենք քո առաջ․․․»:
