Ռուսաստանի ռազմական տրանսպորտային ավիացիան Ուլյանովսկից ևս ութ Il-76 ինքնաթիռ է ուղարկել Լեռնային Ղարաբաղ՝ հակամարտության գոտում խաղաղապահ գործողությանը մասնակցելու համար: Այս մասին ուրբաթ հայտարարել է Ռուսաստանի Դաշնության պաշտպանության նախարարությունը: «2020 թվականի նոյեմբերի 13-ին Ուլյանովսկ-Վոստոչնի օդանավակայանից Ռուսաստանի օդատիեզերական ուժերի ռազմական տրանսպորտային ավիացիայի ութ «Իլ -76» ինքնաթիռներ արդեն օդ են բարձրացել», - ասված է հաղորդագրության մեջ:
Ռազմական վարչությունը պարզաբանել է, որ օդանավում կա ավելի քան 10 ծանրաքաշ արտաճանապարհային մեքենա և նյութատեխնիկական աջակցություն, ինչպես նաև խաղաղապահ ստորաբաժանման ավելի քան 100 զինծառայող: Նրանք վայրէջք են կատարելու Հայաստանի օդանավակայանում, որտեղից էլ մեկնելու են Լեռնային Ղարաբաղ:
Նախօրեին ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը հայտնեց, որ խաղաղապահ գործողության սկզբից ի վեր թռիչք է իրականացվել 56 ինքնաթիռով, տեղափոխվել է 817 զինծառայող, 119 միավոր զենք ու ռազմական տեխնիկա, ինչպես նաև Ռուսաստանի օդատիեզերական ուժերի ութ Մի -8 ուղղաթիռ։
