Առողջապահության համաշխարհային կազմակերպության ղեկավար Թեդրոս Հեբրեյեսուսը հայտարարել է, որ հունիսի 18-ին աշխարհում նոր կորոնավիրուսով վարակվածության ռեկորդային թիվը խոսում է համաճարակի արագ տարածման մասին,- փոխանցում է «ՌԻԱ Նովոստին»։
«Նախօրեին ԱՀԿ-ն տեղեկություն էր ստացել COVID-19-ով վարակվածության ավելի քան 150 հազար նոր դեպքերի մասին: Այս պահին դա ամենաբարձր ցուցանիշն է մեկ օրվա ընթացքում», – ասել է նա:
Նա ավելացրել է, որ նոր դեպքերի կեսը գրանցվել է Հյուսիսային և Հարավային Ամերիկայում, որոնք մայիսին ճանաչվել են որպես համաճարակի կենտրոն:
«Աշխարհը գտնվում է նոր և շատ վտանգավոր փուլում», – ասաց Հեբրեյեսուսը:
«Բայց վիրուսը դեռ արագորեն տարածվում է, և դեռևս հարյուրավոր մահվան դեպքեր են գրնցվում, բայց միևնույն ժամանակ մարդիկ հոգնել են տանը մնալ, և կառավարությունները փորձում են վերսկսել տնտեսական գործունեությունը:», – նախազգուշացրել է ԱՀԿ ղեկավարը:
Կորոնավիրուսային պանդեմիան տարածվել է գրեթե ամբողջ աշխարհում: Ընդհանուր առմամբ, ըստ ԱՀԿ-ի տվյալների, վարակվել է ավելի քան 8,35 միլիոն մարդ, նրանցից 450 հազարը մահացել է:
